Javën që kaloi bëri xhiron e portaleve lajmi se Roza Lati kishte patur fiksim Arjon Muçën në vitin 2009. Moderatorja e deklaroi vetë këtë gjatë emisionit të saj “Why not”, dhe sigurisht një deklaratë e tillë s’kishte si t’i shpëtonte publikut.
Këtë javë Roza ka të ftuar në emisionin e saj moderatorin Arjon Muça, dhe në mënyrë figurative përpiqet ta joshë atë dhe e propozon për martesë. Gjithçka shihet në videot e shkurtra që vetë Roza ka publikuar në rrjetet sociale. “Do bëjmë shumë fëmijë,”- i thotë moderatorja kolegut, dhe pas shumë tentativash ai e pranon.
Dyshja shkojnë në altar dhe ‘martohen’ nga Ergys Bamçi, regjisori që bën rolin e punonjësit të bashkisë.