Hugo Biolley është student, jeton me të ëmën dhe sapo ka hedhur një hap të rëndësishëm: në moshën 18 vjeçare është zgjedhur kryebashkiak i Vinzieux, një fshat me 450 banorë që nuk ka shkolla dhe dyqane, të cilat drejtuesi i ri do ti rikthejë në jetë.
“Që nga fillimi i fushatës, mosha ime ishte temë kryesore në tubimet publike. Mua më pyesnin, si do të mundesh ti ta menaxhosh bashkinë? A ke parë ndonjëherë buxhet?”.
Më i riu nga kryebashkiakët e Francës, sidoqoftë, mundi të fitonte besimin e bashkëqytetarëve duke punuar shumë. Ne kemi lancuar projekte, njerëzit po shohin se ka dinamikë, unë nuk i lë problemet pas dore – thotë ai.
I biri i një drejtori shkolle dhe një muzikanteje, Hugo thotë se u përfshi në politikë pas një shkëndije që i lindi gjatë praktikës në bashkinë e një qyteze fqinje, Annonay. Tani, ai po punon për të krijuar një identitet të qytezës që drejton dhe ti japë jetë asaj.