I ftuar në Top Talk, në një kohë kur qytetarët ankohen për cilësinë e produkteve që konsumojnë në përditshmërinë e tyre, ministri i Bujqësisë Bledi Çuçi, bën një deklaratë befasuese duke u shprehur se, vaji i palmës nuk është i dëmshëm dhe se nuk duhet të cilësohet si cianur.
Sipas tij, vaji i palmës përdoret në të gjithë Evropën dhe se është gjalpi i lopëve zvicerane ai që të vdes, se është yndyrë e rëndë.
“Përdorimi i vajit të palmës nuk është i paligjshëm. Mund të bësh analizën e bulmetit dhe nëse të del me 30% me vaj palme dhe kur nuk është shënuar, atëherë këtu kemi të bëjmë me shkelje. Atëherë do më kritikosh se përse nuk e kam bërë punën unë si ministër. Po luani me shëndetin e njerëzve. Vaj palmës nuk është cianur. Vaji i palmës përdoret në Europë dhe nuk të bën keq. Po të hash gjalpë nga lopët zvicerane, vdes se është yndyrë e rëndë”, u shpreh ministri Çuçi.