Deputetja e Partisë Demokratike, Jorida Tabaku gjatë fjalës në Kuvend ku u diskutua ngritja e komisionit të posaçëm antikorrupsion, se mazhoranca nuk e ka as atributin moral dhe as vullnetin politik për ta luftuar korrupsionin. Sipas saj, për vite me radhë qeveria ka mohuar ekzistencën e aferave korruptive që SPAK po i vërteton përmes dosjeve që ka dërguar në gjykatë. Po ashtu Tabaku theksoi se mazhoranca votoi kundër propozimet e PD-së për forcimin e luftës kundër korrupsionit.
“Sot Shqipëria ka nevojë që të lëvizë nga ky ngërç, nga ky llum i gjatë 12-vjeçar që ka krijuar një sistem të korruptuar, që ka korruptuar institucionet, që po korrupton individët, që po shkojnë e po paraqiten përpara dyerve të Prokurorisë Speciale më shumë se në zyrat e tyre.
Më shumë ka nevojë që ta bëjë këtë proces për qytetarët, ta bëjë këtë proces jo për politikën, ta bëjë për njerëzit e për këtë arsye mendoj që e mira e këtij procesi gjithëpërfshirës është që kush do jep kontributin e tij, kush do është pjesë e tij dhe kush do vë një tullë në procesin e integrimit.
Nuk ka nisur sot, s’ka nisur me ju, ka nisur sigurisht me një forcë tjetër politike e nuk do përfundojë me ju por do përfundojë sigurisht me një forcë tjetër politike por duhet të kalojë mbi ju, mbi egon elektorale e të mendojë një herë për Shqipërinë europiane ashtu siç duhet të jetë”, tha Tabaku në parlament.