Deputetja e PD-së, Jorida Tabaku ka komentuar raportin e OKB-së lidhur me progresin social. Për të Shqipëria ka një sistem fiskal të pandershëm, që takson punën dhe shtresën e mesme më shumë se një pakicë të privilegjuar që gëzon lehtësira. Tabaku akuzon qeverinë se prej 12 vitesh ka manipuluar me ligje me porosi, duke i bërë shqiptarët edhe më të varfër.
Postimi i plotë
Shqipëria ka një sistem fiskal të pandershëm. Ai takson punën dhe shtresën e mesme më shumë se një pakicë të privilegjuar që gëzon lehtësira. Prej 12 vitesh kjo betejë është manipuluar me ligje me porosi. Rezultati është i qartë: shqiptarët më të varfër, oborri qeveritar më i pasur.
-Emigrim masiv.
-Mungesë konkurrence.
-Monopole që sjellin çmime gjithnjë më të larta dhe shërbime gjithnjë më të dobëta.
Sot, edhe Raporti i OKB-së e fakton atë që çdo shqiptar e ndjen në xhep: Taksat nuk përdoren për qytetarët, por për PPP, koncesione dhe klientelë. Ky sistem po shkatërron meritokracinë. Po vret të ardhmen. Po e zhyt vendin në borxhe. Ne nuk do të pranojmë një Shqipëri të papërballueshme.