Në mbledhjen e sotme të Komisionit të Ekonomisë dhe Financave po diskutohen dy aktet normative për krijimin e bordit të transparencës ku deputetja demokrate Jorida Tabaku tha se është e shqetësuar për mënyrën se si është sjellë qeveria ndaj situatës në treg të monopooleve të hidrokarbureve.
Po ashtu, Tabaku deklaroi se krijimi i Bordeve të Transparencës është një sajesë komuniste që në fakt e prish akoma më keq tregun e hidrokarbureve, për të cilin ajo thotë se është jo konkurrues.
“Më duket e paparanueshme që pas 9 vitesh të thuhet për prodhimin vendas ‘Nuk dimë gjë dhe pyesim qeverinë paraaardhëse’, kjo është jo normale”, u shpreh Tabaku.
Ndërkaq, ajo vijoi më tej ku këmbënguli se qeveria nuk mund të vijë me Akte Normative, por me një amendim ligjor të plotë e cila do të shkonte më shumë konform normave ligjore dhe respektimit të parlamentit.
Në fjalën e saj, Tabaku u ndal edhe tek Bordi i Transparencës.
“Gjykoj që Bordi Tranapsarencës cënon lirinë e tregut dhe kjo tregon që qeveria ka dështuar për të monitoruar këtë treg dhe monopoleve i ka dhënë dhe favore të tjera.
Këto kompani janë jashtë kontrollit dhe kanë operuar jashtë kontrollit dhe ministria e zotit Bejtja dhe ministra e drejtuar nga zonja Ibrahimaj kanë dështua r si në rastin e fiskalizimit dhe në rastin e monitorimit. Bordi i transparencës duhet të informonte masat për kompanitë që rritën çmimet brenda një jave. Ne nuk kuptuam asgjë përse çmimet u rritën menjë herë dhe nuk kuptova as për të dhënat e grosistëve madje as për çmimet e vendeve fqinje. Ka nevojë që të ketë një transparencë për vendimin që është marrë.
Por në gjykimin tim të gjithë këto veprime lënë hapësirë për interpretim. Qëllimi im kryesor sa herë kam diskutuar për çmimin e karburantit që sot është shumë herë më i lartë se sa vendet në rajon”, tha Tabaku.