JD Vance deklaroi se është arritur “përparim i madh” në bisedimet mes Shteteve të Bashkuara dhe Iranit që po zhvillohen në Zvicër.
Duke folur para mediave, Vance e cilësoi takimin si historik, duke theksuar se udhëheqësit amerikanë dhe iranianë nuk janë takuar më parë në një nivel kaq të lartë, me përjashtim të kontakteve të muajve të fundit.
“Ne kemi bërë tashmë përparim të madh gjatë orëve të fundit. Ky është një takim historik”, u shpreh ai.
Sipas zv.presidentit amerikan, delegacioni i SHBA-së ndodhet në Zvicër me synimin për të nxitur diplomacinë dhe bashkëpunimin në rajon, duke hapur rrugën për një periudhë më të qëndrueshme në Lindjen e Mesme. “Ne shohim një të ardhme ku të gjithë mund të punojnë së bashku për të promovuar paqen dhe prosperitetin për të gjithë”, deklaroi Vance.
Bisedimet mes SHBA-së dhe Iranit po zhvillohen me ndërmjetësimin e Katarit dhe Pakistanit, ndërsa vëmendja është përqendruar te siguria rajonale, çështjet ekonomike dhe ulja e tensioneve në Lindjen e Mesme.