Nard Polia, i cili u vra pasditen e të mërkurës në Shkodër ishte një biznesmen i suksesshëm i zonës, i cili la Italinë për Thethin e tij. Drejtori i Administratës të Zonave të Mbrojtura në Shkodër, Agim Dardha ka treguar edhe takimin e fundit me të.
Dardha thotë se dje në drekë është takuar për herë të fundit me të, në një bisedë mes batutave dhe humorit, ndërkohë që 35-vjeçari nuk kishte shfaqur asnjë shqetësim.
“Është një humbje e madhe për institucionin tonë, gjithe familjen, te afermit dhe ata qe e njohen. Kemi kaluar shumë kohë të mira me te dhe gjithmone ka qene vetem me humor dhe i qeshur. Dje e takuam për herë të fundit teksa kemi konsumuar një kafe rreth orës 13:30. Ishte si zakonisht i qeshur dhe me batuta. Nuk verejtëm asnjë shqetesim tek sjellja e tij apo ndonjë problem. Ishte normal si çdo ditë tjetër”- ka thene ai.