Në Pragë këtë të enjte do të mbahet takimi i Komunitetit Politik, ku do të diskutohet për ekonominë, sigurinë dhe situatën energjetike. Mes pesë folësve do të jetë kryeministri Edi Rama, presidenti ukrainas, Volodymyr Zelensy, kryeministrja e Britanisë, Liz Truss, kryeministri i Norvegjisë, Gahr Store dhe kryeministri i Çekisë, Petr Fiala.
Më parë, kryeministri Rama tha se komunitetit do t’i parashtrohet një propozim konkret lidhur me situatën në Ukrainë, krizën e klimës dhe situatën energjetike. Në një intervistë për “Politico.com”, Rama dhe homolgu nga Holanda Mark Rutte, thanë se do të bëjnë çdo gjë për të ndihmuar Ukrainën dhe theksoi se nevoja për një kundërpërgjigje europiane të fortë, të vazhdueshme e të bashkuar është sot më e nevojshme se kurrë.
“Kjo është arsyeja pse ne e përkrahim plotësisht propozimin e presidentit Emmanuel Macron për një Komunitet Politik Europian (KPE)”, tha Rama, i cili do të mbajë fjalën nga ora 13.30-13.40.