Takimi mes ministres së Arsimit, Evis Kushi dhe pedagogëve nuk arriti rezultat.
Kërkesa e tyre për rritje pagash nuk është plotësuar nga ana e ministres, ndërsa vetë pedagogët shprehen për vazhdim të protestave.
“Në momentin që di kuptohet që synimi i kërkesave tona është synimi për një arsim të lartë cilësor, që studentët të studiojnë në Shqipëri. Ne në kërkesat tona kemi qenë minimaliste. Jemi në pritje të një feedback për kërkesat që ramë dakord me ministrinë. Nuk mbetet gjë tjetër veçse të vazhdojmë protestat, protesta e 5 tetorit nuk anulohet. Për rritjen e pagës nuk është arritur një dakordësi. 180 euro ministrisë i duket hataje, ne 200 euro na duket tallje. Ramë dakord në lidhje me transparencën te U-transparenca të shpenzimeve të universiteteve. Premtoi që do u kërkojë universiteteve me shkresë që qytetarët të kenë njohuri sesi shpenzohen paratë publike. Për pikën në lidhje me doktoraturat, me kushte për të marrë titullin profesor. Mund të rregullohet se është një nonsens. Ramë dakord për një rikonceptim të orës mësimore. U ra dakord që do analizohet në tërësi që të mund të vihet një koeficient. 23% që i është vënë për tatim. Ministrja tha se do rakordohej me rektoratet”, u shpreh një pedagog.