Kreu i Partisë së Lirisë, Ilir Meta pas takimit që zhvilloi me Sali Berishën në selinë blu, për gazetarët tha se protesta e opozitës në datën 6 dhjetor, do të zhvillohet para Kryeministrisë, edhe pse Policia e Shtetit dhe Bashkia e Tiranës nuk kanë dhënë leje.
I pyetur për mosdhënien e lejes për ta zhvilluar protestën në Bulevardin “Dëshmorët e Kombit”, Meta tha se nuk është çështje Policie, por është çështje Kushtetute.
“Jemi për Shqipërinë europiane, jo regjim policor. Në datën 6 përballë përgjegjësit për kapjen e shtetit dhe minimin e gjithë procesit të integrimit europian të Shqipërisë për vite të tëra. Sigurinë e Europës e kërcënon vetëm mafia që përdor shtetin për ta kthyer Shqipërinë në një bazë logjistike ndërkombëtare për të gjitha llojet e trafiqeve, me në krye kokainën”.