Presidenti Ilir Meta kthen një tjetër ligj për rishqyrtim në Kuvend, pasi arsyeton se shkel parimet kryesore kushtetuese.
Bëhet fjalë për ligjin për “Përmirësimin e Zonave të Biznesit” (BID), një risi inovatore që ka për qëllim të përcaktojë zona të veçanta ku bizneset vetëorganizohen, me synimin për një menaxhim më cilësor të zonës në lidhje me shërbimet publike bazë të ofruara dhe për shërbime shtesë që mundësohen nga ky vetëorganizi.
Por sipas Metës, “ky akt i ri ligjor, përveç se shkel nenit 11, 41, dhe 155 të Kushtetutës, në disa nene të tij njëkohësisht, përmban parashikime që bien ndesh me legjislacionin aktual në fuqi, duke mosrespektuar për pasojë edhe nenin 116 të Kushtetutës që përcakton hierarkinë e akteve në Republikën e Shqipërisë”.