Kryeministri Edi Rama do të zhvillojë një takim me liderët e rajonit. Takimi do të jetë joformal, por pritet që liderët të diskutojnë rreth Samitit të Berlinit që do të zhvillohet në Tiranë në tetor të këtij viti.
Kryemnistrja serbe Ana Bërnabiç, si dhe kryetarja e këshillit të Ministrave të Bosnjë Hercegovinës, Borjana Kristo ishin të parat që mbërritën në ambientet e “Vilës 30” ku edhe do zhvillohet takimi, ndërsa më pas ka mbërritur edhe kryeministri në detyrë i Malit të Zi, Dritan Abazavoiç.
Përveç liderëve të rajonit në këtë takim joformal duket se do të jenë të pranishëm anëtarë të tjerë të partisë socialiste. Drejtuesi i agjencisë shtetërore të programit strategjik dhe koordinimit të ndihmës Ilir Beqja ka hyrë në ambientet e “Vilës 30” dhe pas tij në ambientet ku do të zhvillohet takimi ka shkuar edhe Ministrja e Europës dhe Punëve të Jashtme, Olta Xhaçka.