Kryeministri Edi Rama, tregon se në takimin e zhvilluar këtë të premte me Presidentin Bajram Begaj, e ka informuar mbi çështjet kryesore të këtij viti qeverisës, por edhe për çështje të tjera.
“Takimi i fillimvitit me kryetarin e shtetit për ta informuar mbi çështjet kryesore të këtij viti qeverisës, si edhe për të përgatitur mbledhjen e Këshillit të Sigurisë Kombëtare dhe ndryshimet e ambasadorëve në misionet tona diplomatike”,-shkruan Rama në një postim në facebook, teksa ka postuar edhe një foto me kreun e shtetit.
Kryeministri nuk dha detaje pse do të mblidhet Këshilli i Sigurisë Kombëtare, apo cilët ambsadorë do të ndryshohen. Takimi vjen pas atij që kreu i qeverisë zhvilloi me anëtarët e kabinetit qeveritar, takim që nisi ditën e mërkurë, për të vijuar deri në orët e pasdites së të enjtes.