Forcat special RENEA kanë arrestuar sot pasdite krahun e djathtë e të Talo Çelos. Në kuadër të operacionit “Plumbi i artë” , policia ka ka pasur informacione mbi vendndodhjen e të shumëkërkuarit, Talo Çela, i cili dyshohet se është i përfshirë në vepra të ndryshme kriminale me pagesë.
Pavarësisht marrjes së këtyre informacioneve për vendodhjen e tij policia nuk ka arritur të kapë Talo Çelën, por ka bërë të mundur arrestimin e krahut të tij të djathtë, Klement Xhaferrit.
Xhaferri është shpallur në kërkim pas vrasjes së Pjerin Xhuvanit. Klement Xhaferri u përfshi në një tjetër ngjarje të bujshme disa vite më parë në përplasjen me policinë para tregut Agro-Ushqimor në Elbasan.
Ai ka qenë sipas opozitës edhe si pjesë e incidentit të ndodhur ditën e verës në Elbasan.