“Tani edhe debat do bëjmë ne”, tensione në intervistën e Metës tek Zëri i Amerikës

Intervista e Presidentit Ilir Meta tek Zëri i Amerikës duket se nuk ka qenë edhe aq e qetë. Teksa po fliste për vendimin e Komisionit të Venecias, gazetari i Zërit të Amerikës ngulmoi disa herë për të marrë përgjigjen që dëshironte duke sjellë edhe një acarim nga ana e kreut të shtetit. Gjithsesi, në fund të intervistës, gazetari i zgjati dorën kreut të shtetit. Pikërisht në këtë moment, teksa regjia po fuste siglën, padashje kishte ende të hapur zërin e mikrofonit ku dëgjohet zëri i Metës drejtuar gazetarit: “Tani edhe debate do bëjmë ne”. / tirananews.al