Pjerin Ndreu ka dhënë dorëheqjen nga mandati i deputetit pasi u zgjodh zyrtarisht nga kryesia e PS për të garuar për zgjedhjet bashkiake në Lezhë.
Ai i ka paraqitur sot shkresën zyrtare kreut të Kuvendit, Gramoz Ruçi.
“Unë deputeti Pjerin Ndreu, kam fituar mandatin në zgjedhjet për Kuvendin më 2017… Paraqes dorëheqjen për shkak se do të konkurroj në zgjedhjet vendore… ju drejtohem për të deklaruar zyrtarisht heqjen dorë nga mandati i deputetit”, shkruan Ndreu ndër të tjera në shkresën drejtuar Ruçit.
