Festë dhe entuziazëm në grumbullimin e Kombëtares shqiptare. Në fakt një gjë e tillë ka qenë gjithmonë gjatë këtij edicioni, por sot ishte një atmosferë pak më ndryshe, për shkak se sulmuesi Taulant Seferi festonte 27-vjetorin e lindjes.
Urimet e futbollistëve i kanë ardhur gjatë darkës së sotme, por edhe Seferi ka dashur t’i falënderojë të gjithë në më një mënyrë të veçantë, me shumë humor,.
Në një video të publikuar në rrjetet sociale nga Arbnor Muja, shfaqet Seferi duke mbajtur “fjalimin e rastit” para skuadrës, ndërsa shpreh dëshirën që dhuratën e vërtetë ta marrë pas ndehsjes me Moldavinë., kualifikimin në Europian.
Në atë moment, ai me shumë humor përshëndet Etrit Berishën me vargjet e një kënge që janë kthyer në hit në grumbullimin kuqezi pasi kujton vendin ku do të zhvillohet Europiani i ardhshëm. “Gjermania o vllazën, nuk është si përpara”, këndoi Seferi mes duartrokitjeve të kuqezinjve.
