Taulant Xhaka, i aktivizuar me kombëtaren shqiptare nuk ishte në ndeshjen e zhvilluar të dielën mbrëma ndaj Francës, por ka një superlajm për të gjithë.
Pas të vëllait, Granitit, edhe Taulanti së shpejti do të bëhet baba dhe lajmin e dha në rrjetet sociale ku bëri të ditur se partnerja e tij, Arbnora është shtatzënë.
Në foton e postuar duket barku i rrumbullakosur i saj dhe dy çorape ku lexohet “E dua mamin dhe babin”.
Megjithatë futbollisti nuk e ka zbuluar gjininë e bebit.
Pak muaj më parë kujtojmë se ai u bë xhaxha, pasi erdhi në jetë vajza e Granitit, Ayana.