Superylli i muzikës pop Taylor Swift dhe lojtari i futbollit amerikan Travis Kelce kanë kurorëzuar zyrtarisht lidhjen e tyre me martesë, në një ceremoni madhështore të zhvilluar në Madison Square Garden.
Ceremonia u drejtua nga komediani dhe aktori Adam Sandler, ndërsa pas përfundimit të saj në ekranin gjigant jashtë arenës në qendër të Manhattanit u shfaq mesazhi: “Just married”.
Për ditën e tyre të veçantë, Swift dhe Kelce zgjodhën veshje të firmosura nga Christian Dior dhe stilisti Jonathan Anderson, ndërsa këpucët ishin të realizuara me porosi nga Christian Louboutin.
Martesa e shumëpritur e një prej çifteve më të njohur të momentit ngjalli interes të madh. Madison Square Garden, arena ikonike e ndeshjeve historike të NBA-së dhe koncerteve të artistëve më të mëdhenj, u kthye në skenën e ceremonisë së tyre.
Në mesin e të ftuarve ishin emra të njohur të botës së artit dhe argëtimit, si Bradley Cooper, Zoë Kravitz, Hugh Grant, Ethan Hawke, Gigi Hadid, Karlie Kloss, Chris Rock, Steven Spielberg, Camila Cabello dhe autorja Jenny Han.
Ceremonisë iu bashkuan edhe figura të njohura të sportit, mes tyre trajneri i Kansas City Chiefs, Andy Reid, disa nga bashkëlojtarët e Kelce, legjenda e NFL-së Tom Brady, lojtari i Seattle Seahawks Cooper Kupp, si dhe komentatorët e ESPN, Joe Buck dhe Stephen A. Smith.