Tayna u rikthye me një goditje të fuqishme në skenën muzikore. Kënga “Si Ai,” e cila erdhi pas një beteje virtuale mes saj dhe ish-menaxherit të saj, ka bërë bujë në mbarë botën, kjo falë TikTok-ut. Pavarësisht sfidave që hasi në fillim, Tayna arriti ta publikonte këngën në YouTube, duke tërhoqur shpejt vëmendjen e dëgjuesve ndërkombëtarë.
Një nga arritjet më të mëdha të këngës erdhi kur Dj i famshëm Marshmello krijoi një remix të “Si Ai,” duke e katapultuar atë në një audiencë edhe më të gjerë. “Si Ai” është renditur mes 10 këngëve më të kërkuara në Shazam, një platformë që përdoret nga miliona njerëz në të gjithë botën për të zbuluar këngë të reja.
Në një postim në Instagram, Tayna ndau me ndjekësit e saj lajmin se kënga e saj është aktualisht e 10-ta më e kërkuar në Shazam, duke shënuar kështu një tjetër triumf në karrierën e saj.
