Agjenti imobiliar, Aleks Gjergji tha në një intervistë për “Now me Erla Mëhillin” se pavarësisht numrit të lartë të ndërtimeve, çmimet nuk do të ulen.
Ai sugjeroi që forma më e mirë që një qytetar në vendin tonë të ndërtojë një pasuri, është të blejë një pronë.
“Prona do t’i japi dy të ardhura. Do i japë dhe të ardhurën e qirasë dhe faktin që do i rritet vlera sepse nga viti në vit do t’i rritet çmimi të paktën me ritmin e inflacionit. Do i rritet vlera e kapitalit, e ke blerë 50, pas dy vitesh do të jetë 54, pas 3 viteve 56, pas 7 viteve 60. Ai është pasurim, pavarësisht sepse ti nuk e merr sepse është aty. Kështu që ose nuk do paguash qira sepse do të jetosh vetë, ose do ta japësh më qira dhe do të kesh të ardhura,” – u shpreh Gjergji.