Pas daljes nga shtëpia, Kejvina ka zgjedhur që të mos japë asnjë reagim, duke preferuar madje edhe mbylljen e llogarisë së saj në “Instagram”.
Mirëpo, sot, në shtëpinë e “Big Brother” ka mbërritur një dron për Luizin. Personi që mendohet se qëndron pas mesazhit të dërguar është Kejvina.
“Të dua dhe ti e di”, shkruhet në pankartë, bashkangjitur fotos së Kejvinës me Luizin.
Këngëtari është i bindur se droni është nisur nga ajo, por Olta Gixhari nuk mendon njësoj.
“Nuk ta ka dërguar Kejvina atë, harroje. Ti atë e nxorre nga shtëpia, të të sjellë ajo dron. Mos u bëj naiv, Luiz. Nuk është i Kejvinës ai dron, nuk ma merr mendja. Ti e nxorre jashtë,” tha Olta.
Nga ana tjetër Luizi i ka thënë se arsyeja e vërtetë pse Kejvina është jashtë shtëpisë sot, në fakt ishte nxitja që i bëri Olta dhe Tea.