Presidenti kinez Xi Jinping ka komunikuar virtualisht me kancelarin gjerman Olaf Scholz dhe presidentin francez Emmanuel Macron të martën.
Gjatë bisedës, lideri kinez përsëriti se Kina është e gatshme të “punojë në mënyrë aktive” me komunitetin ndërkombëtar për të ndërmjetësuar krizën në Ukrainë, pa dhënë detaje.
Xi konsideroi situatën “shqetësuese”, sipas një deklarate nga ministria e jashtme e Kinës.
“Kina do të komunikojë dhe koordinohet me Francën, Gjermaninë dhe BE-në dhe, do të punojë në mënyrë aktive së bashku me komunitetin ndërkombëtar”, thuhet në deklaratë, duke shtuar se duhet të mbështeten të gjitha përpjekjet për zgjedhje paqësore të krizës.
Xi dënoi gjithashtu sanksionet perëndimore, duke paralajmëruar se ato do të “dobësojnë ekonominë globale që tashmë është shkatërruar nga pandemia”.
“Kjo nuk është në interesin e askujt. Ne duhet të mbrojmë në mënyrë aktive një vizion të sigurisë së përbashkët, gjithëpërfshirëse, bashkëpunuese dhe të qëndrueshme”, tha Xi, sipas deklaratës.
Kina ka refuzuar vazhdimisht ta quajë luftën në Ukrainë “një pushtim rus” dhe zyrtarët theksojnë zgjerimin e NATO-s drejt lindjes si një shkak rrënjësor i konfliktit.