Mbrëmja e së hënës në spektaklin Ferma VIP solli një nga momentet më të komentuara të këtij sezoni, pasi aktori Indri Shiroka vendosi t’i japë fund marrëdhënies së tij me Vanesa Sonon në transmetim direkt.
Ish-fermeri zgjodhi ta komunikonte ndarjen përmes një letre emocionale, të cilën ia drejtoi Vanesës, e cila tashmë ndodhet jashtë fermës. Vendimi i tij surprizoi jo vetëm publikun, por edhe banorët e tjerë të fermës, të cilët mbetën të shokuar nga mënyra se si u zhvillua situata.
Pas spektaklit, rrjeti shpërtheu në reagime të shumta, ndërsa fansat nisën të ndaheshin në dy kampe: ata që mbështesnin sinqeritetin e Indrit dhe ata që e konsideruan veprimin e tij të ftohtë dhe të papritur.
Por drama duket se nuk ka përfunduar me kaq. Në ditën e sotme, gjatë një bisede me Sara Karajn, aktori Elvis Pupa bëri një deklaratë të fortë, që shumë ndjekës e interpretuan si një “thumb” të drejtpërdrejtë ndaj Indrit.
“Gjithë mashtruesit kanë me vuajtur në këtë jetë, gjithë manipulatorët se vuajnë se e varin jetesën e vet te manipulimi i të tjerëve. Njerëzit janë mësuar me dallavere, kështu do t’i shkojë jeta të gjithëve”, u shpreh ai gjatë bisedës.
Deklarata e tij bëri menjëherë xhiron e rrjetit dhe mori akoma më shumë vëmendje pasi u ripostua nga vetë Vanesa në InstaStory. Ky reagim i saj është interpretuar nga ndjekësit si një shenjë se ajo është ndjerë e lënduar nga mënyra si përfundoi marrëdhënia me Indrin.