Të hënën e 17 marsit Kuvendi do të mblidhet për një seancë maratonë. Në rend dite janë 25 pika për diskutim.
Seanca do mbahet në orën 10:00 dhe rendi i ditës është shpërndarë nga kryeparlamentarja Elisa Spiropali. E para është përzgjedhja dhe votimi i anëtarëve të Këshillit Drejtues së RTSH-së. Votimi për anëtarët e Bordit të Institutit të Studimeve për Krimet dhe Pasojat e Komunizmit në Shqipëri.
Projektligji për Bankën Shqiptare të Zhvillimit, nismë kjo e qeverisë shqiptare, për t’i ardhur në ndihmë bujqësisë dhe fermerëve. Mes të tjerësh është edhe diskutimi për strukturën dhe organika e INSTAT-it.