Kryeministri Edi Rama tha këtë të enjte se një draft për Asociacionin e komunave serbe, që është bërë drejtimin e atyre që i cilësoi si kumbarë të procesit, kancelari gjerman Olaf Scholz dhe presidenti francez Emmanuel Macron, është zgjidhje për situatën në Veriun e Kosovës.
Po ashtu Rama tha se ndërkombëtarët janë bërë zot shtëpie në Kosovë, dhe se nëse qeveria Kurti i kthen shpinën, vendi do të ketë ditë të zeza.
“Ata që në këtë rast nuk janë ndërkombëtarët. Ata janë të zotët e shtëpisë në Kosovë si në asnjë vend tjetër. Ata e kanë krijuar atë shtëpi me bomba dhe shumëçka kanë bërë për atë shtëpi. Dhe për sa kohë ajo nuk njihet botërisht, ata ndërkombëtarët janë limfa vitale e asaj shtëpie. Në momentin që i kthejnë shpinën asaj shtëpia, mos ndodhtë kurrë, ajo shtëpi futet në ditët e veta më të zeza”,-tha Rama.