Këngëtari Luiz Ejlli ka publikuar së fundmi një video krah partneres së tij, Kiara Tito, nisur edhe nga kërkesat e shumta të fansave që janë kuriozë dhe të interesuar për vijimësinë e raportit të tyre.
Të buzëqeshur dhe të kapur dorë për dore, ata filmohen teksa ecin krah njëri-tjetrit.
Para pak javësh, këngëtari Luiz Ejlli përfundoi eksperiencën e tij në Big Brother ku edhe fitoi çmimin e madh. Pjesëmarrja e tij bëri që ai t’i kthehej skenës dhe të punojë për projekte të reja. Vetëm pak ditë më parë, ai publikoi edhe këngën e tij më të re, “Përjetësisht”, e cila u kthye menjëherë në një sukses të padiskutueshëm.