Artistët shqiptarë komentohen shpesh për jetën e luksit që bëjnë, për pushimet e shtrenjta dhe për aksesorët me shifra marramendëse që blejnë.
Shumë herë të ardhurat e tyre nxisin dyshime për shkak të burimeve nga të cilat krijohen.
Së fundmi, kjo temë u diskutua në emisionin “Pressing” nga disa analistë ku i ftuar gjithashtu ishte dhe reperi Besnik Canolli, i njohur për publikun si 2po2.
Pjesë nga biseda:
Analisti: Një numër i caktuar janë të lidhur shumë me grupe kriminale. Shikoni luksin e tyre. Këngëtarët thonë se kanë koncerte. Gënjejnë. Nuk ka pasuri aq në Kosovë sa të kenë atë pasuri.
Shikoni pasurinë e tyre. Shikoni udhëtimet e tyre. Janë të lidhura ngushtë me grupe kriminale. Një pjesë e këtyre shërbejnë si logjistikë e grupeve kriminale.
Ajo pasuri të cilën ata e shfaqin nuk ka gjasa të gjenerohet prej atij aktiviteti komercial. Nuk ka teori. Nuk ka gjasa.
2po2: Ndoshta profesori nuk është në dijeni për fitimet e reperëve. Disa i marrin nga 15 deri në 20 mijë euro për një koncert”.