Përfaqësuesit e partive në Këshillin Politik, pas 4 orësh diskutime nuk kanë arritur ende konsensusin për ndryshimet kushtetuese. Pas orëve të gjata të kaluara në Pallatin e Kongresve, ata kanë porositur ushqime për të shuar urinë.
Mesa duket mbledhja do të vazhdojë për orë të tëra edhe gjatë natës.
Pas më shumë se 4 orësh, palët nuk kanë gjetur ende gjuhën e përbashkët. Përfaqësuesi i PS, Damian Gjiknuri ka hedhur poshtë propozimet e opozitës së bashkuar, duke i qëndruar besnik versionit të mazhorancës. Nga ana tjetër përfaqësuesi i PD, Oerd Bylykbashi, i është drejtuar Gjiknurit, duke thënë se PS po shkel rekomandimet e OSBE-ODHIR dhe se janë të pashpresë dhe humbës.
