Kryeministri Albin Kurti ka njoftuar se të hënën do të nisë skema në mbështetje të qytetarëve, ku do të synohet që në çdo familje të Kosovës të ketë së paku një anëtar të punësuar.
Në video të postuar në Facebook, ai ka sqaruar se nëpërmjet kësaj skeme, qeveria do të subvencionojë deri në 70 % të pagës bruto të punëtorit, maksimumi deri në 300 euro për 6 muaj me radhë.
“Kushti kryesor për të përfituar nga kjo skemë, është që punëkërkuesi nuk ka të punësuar asnjë anëtar të familjes. Nga e hëna, krejt çka duhet të bëni ju si punëkërkues dhe që e plotësoni këtë kusht dhe si punëdhënës privat që kërkoni punëtorë, është të dërgoni dokumentet përkatëse në zyrat e punësimit në komunat tuaja. Ministria e Financave të hënën do të ndaj me ju të gjitha informatat e nevojshme”, ka thënë ai.