Atë që nuk bën Bashkia Dibër e bëjnë vullnetarisht të rinjtë e fshatit Sinë. Ata janë dakortësuar dhe kanë nisur punën për mbylljen e gropave me zhavor, hapjen e kanaleve anësore dhe largimin e baltës nga karagjata e rrugës që lidh këtë fshat me rrugën nacionale. “I jemi drejtuar muaj më parë bashkisë me një kërkesë për të investuar në këtë rrugë problematike por ndërmarrja përkatëse nuk u bë e gjallë.
Dimri ka nisur dhe gjendja e rrugës erdhi duke u rënduar. Nuk mund të prisnim më gjatë dhe u organizuam për ta përmirësuar gjendjen e saj. Është prag festash dhe shumë emigrantë vijnë pranë famijeve të tyre. Ne po ndërhyjmë me forcat tona që ata të udhëtojnë deri në fshat me makinat që posdedojnë”, u shprehën të rinjtë që kanë ndërmarrë këtë nisëm. / P. Hasa /