Kapiteneria e Vlorës i ka ardhur në ndihmë një kroçere e cila kërkonte asistencë mjekësore për një të sëmurë në bord.
Kroçera “Costa Victoria” ishte në afërsi të gadishullit të Karaburunit, kur ka thirrur në radio kapitenerinë. Kjo e fundit njoftoi spitalin e Vlorës dhe policinë kufitare, ndërkohë që udhëzoi krocerën të afrohej në radën e portit të Vlorës për të marrë asistencën e kërkuar.
Nga pamjet e publikuara nga “Balkanweb” shihet teksa vjen ambulanca nga spitali i Vlorës. Pas disa minutash krocera “Costa Victoria” mbërriti në radën e Vlorës sipas udhëzimeve të Kapitenerisë në një distace rreth 1milje nga porti Detar Vlorë. Kapiteni i Portit së bashku me personelin e ndihmës së shpejtë me anë të nje rimorkiatori RM Aulona shkuan në bord të krocerës “Costa Victoria” për të marrë të sëmurin me barrelë për ta transportuar në drejtim të spitalit.