Një 44-vjeçar në Lushnje është plagosur me armë zjarri. Ngjarja ka ndodhur rreth orës 16:15 në afërsi të stacionit të trenit në rrethana të paqarta.
Policia thotë se i plagosuri është me iniciale K.M. nga Sarava e Lushnjes. Ai është dërguar në spital dhe ndodhet nën kujdesin e mjekëve.
Shërbimet e policisë dhe grupi hetimor po vijojnë punën intensive për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.