Katër persona pësuan lëndime nga të shtënat me armë zjarri në Shkollën e Mesme Timberview në Arlington të Teksasit, ka deklaruar Ndihmës Shefi i Policisë në Arlington, Kevin Kolbye, gjatë një konference për shtyp.
Sipas CNN, Kolbye tha se policia pranoi një telefonatë në orën 9:15 të mëngjesit (koha lokale) se kishte të shtëna në katin e dytë të shkollës.
Si pasojë e këtij incidenti, katër persona u lënduan, një pësoi lëndime të lehta dhe tre u dërguan në spital.
Kolbye ka theksuar gjithashtu se e shtëna “nuk është një akt dhune i rastësishëm”.
“Nuk është dikush që sulmon shkollat tona. Ky është një student, ne besojmë tani, paraprakisht, se ishte një student që u përlesh dhe nxori armën”, ka shtuar Kolbye.