Të shtënat me armë zjarri u regjistruan mbrëmjen e së enjtes në Shkodër, pranë urës Dervish Beg.
Sipas informacioneve paraprake, një person i moshës 45-vjeçare ka mbetur i plagosur në këmbë. Policia njofton se 45-vjeçari Genc Hoxha, është plagosur nga shtetasi I.G, i cili e ka qëlluar me armë zjarri pranë një servisi në vendin e quajtur Ura Dervish Beg. Policia ka mbërritur menjëherë në vendin e ngjarjes dhe po kryen hetimet për të sqaruar rrethanat e incidentit.
Njoftimi i policisë
“Rreth orës 21:10, në vendin e quajtur Ura Dervish Beg, në rrugë në afërsi të një ambienti servis, dyshohet se shtetasi I. G. ka qëlluar me armë zjarri dhe si pasojë, është plagosur shtetasi G. H., 45 vjeç, i cili ka marre demtime ne kembe dhe ndodhet nën kujdesin e mjekëve, jashtë rrezikut për jetën. Shërbimet e Policisë kanë shkuar menjëherë në vendngjarje dhe janë vënë në ndjekje të autorit. Ndërkaq, grupi hetimor, nën drejtimin e Prokurorisë, vijon punën për zbardhjen e rrethanave të ngjarjes”, thuhet në njoftim.