“Bashkëqeverisja që duam” ka vijuar dhe këtë të mërkurë, ku janë prezantuar rastet kur qytetarët i janë drejtuar platformës së qeverisë dhe kanë marrë zgjidhje.
Një prej tyre ishte një pensionist që kishte probleme me marrjen e pensionit. Teksa ka prezantuar rastin e tij ai ka bërë thirrje që të votohet për qeverinë, por kryeministri i kërkoi të ulej, pasi në këtë rast nuk janë mbledhur për të kërkuar vota.
Qytetari: Kisha 21 vite që kërkojë të drejtën e pensionit, shkoja gjithmonë te ai institucioni te Rruga e Durrësit më thoshin, ik se nuk e fiton. U ankova të platforma kur më thotë fëmija që e kisha fituar. Faleminderit shumë, ndaj unë them ta mbrojmë ta duam e të votojmë për qeverinë
Rama: Ulu, faleminderit shumë, por këtu nuk jemi për vota, Këtu jemi për të treguar se si platforma funksionon për të dhënë të drejtën që qytetarët nuk e kanë gjetur më parë.