Të gjitha zyrat qeveritare, bankat dhe bizneset në provincën Teheran të Iranit dhe në kryeqytetin Teheran do të mbyllen të mërkurën për shkak të temperaturave jashtëzakonisht të larta dhe nevojës për të kursyer energji.
Autoritetet njoftuan se temperaturat në kryeqytetin e Iranit po lëvizin mbi 40 gradë Celsius dhe u rekomanduan qytetarëve të qëndrojnë brenda gjatë pjesës më të nxehtë të ditës, raporton AP duke cituar mediat shtetërore iraniane.
Zëdhënësja e qeverisë Fatema Mohajerani u bëri thirrje banorëve të ulin konsumin e energjisë elektrike dhe ujit, sipas Iran Daily.
Kjo është hera e dytë brenda pak më shumë se një viti që Irani ka shpallur një ditë pushimi për shkak të kushteve të motit, sipas AP.
Në korrik 2024 u prezantua një ditë pushimi njëditor për shkak të nxehtësisë, ndërsa në vitin 2023, autoritetet miratuan një mbyllje dy-ditore për të njëjtën arsye.
Sipas shërbimit meteorologjik, temperatura më e lartë në 24 orët e mëparshme u regjistrua në qytetin Borazjan, në provincën jugore të Bushehr, ku zhiva në termometër arriti deri në 50 gradë Celsius.