Komisioni i Medias është mbledhur ditën e sotme online, pasi në mbledhjen e fundit dështoi për shkak të përplasjeve brenda Partisë Demokratike.
Nënkryetarja socialiste, deputetja Evis Kushi e nisi duke konfirmuar kuorumin e nevojshëm. Por ajo që binte në sy ishte fakti që deputeti Ilir Metaj në “zoom” dilte me emrin Ilir Topi, i cili nga ana e tij nuk është deputet i këtij Komisioni.
Ky fakt nuk u vu re aspak nga drejtuesja e komisionit e cila fillimisht lexoi emrin e Ilir Topit me fotografinë e Ilir Metajt si anëtar komisioni, dhe më pas iu rikthye sërish duke përmendur edhe emrin e Metajt.
Nuk është hera e parë që teknologjia që presupozohet të mundësojë takimet kur ato nuk mund të mbahen fizikisht, bën lëmsh deputetët e Kuvendit të Shqipërisë.