Kantautori i njohur Eugen Bushpepa ka nxjerrë në pah elementet e “shëmtuara” të muzikës në tregun shqiptar vitet e fundit.
I ftuar mbrëmjen e sotme në “A live night”, këngëtari tha se tekstet lënë për të dëshiruar sepse nuk janë të mirëfillta. Sipas tij, disa përcjellin dhunë, e disa nuk kanë logjikë.
“Tekstet e mirëfillta, sipas meje, nuk ka muzikë të shëmtuara. Tekste të shëmtuara ka pafund tregu shqiptar të them të drejtën. Nuk po them të jenë vetëm tekste filozofike se duhen edhe tekste realiste, por duhet që teksti të përcjellë një ndjenjë. Edhe dhuna mund të jetë ndjenjë, edhe rebelizmi mund të jetë ndjenjë por jo ta reklamojmë diçka të tillë, por të flasim kundra dhunës, të flasim për dashurinë. Tekstet shqiptare kohët e fundit janë goxha të dhunshme. Fjalët e pista përdoren shabllon, nuk ka fije logjike brenda teksteve shqiptare, për mendimin tim”, tha Bushpepa.