Kryeministri Edi Rama, i ftuar në emisionin “Opinion”, ka folur edhe për tenderin e Rezervave të Shtetit.
Rama ironizoi opozitën, duke theksuar se nga tenderi 1.5 milionë eurosh janë ndihmuar mijëra persona në nevojë.
“Unë për opozitën kam një përgjigje: amanet mushkat. Nuk e kuptoj pse Zoti ua refuzon vajin për kandilin e trurit. Ne kemi mbështetur derë më derë mijëra persona,”-tha Rama.
Disa ditë më parë ish-deputeti i PD-së, Enkelejd Alibeaj doli dy herë në konferencë për shtyp duke i kërkuar përgjigje lidhur me tenderin ministres së Mbrojtjes, Olta Xhaçkës dhe kryeministrit Edi Rama. Sipas tij, nga 35.099 kompani në garë për tenderin 1.5 milionë eurosh për blerjen e ushqimeve për Rezervën e Shtetit kishte fituar “Eurovia” shpk., nga Maqedonia e Veriut.