Një gazetare 29-vjeçare ka humbur jetën pas përplasjeve në Londonderry, në Irlandën e Veriut. Reporterja që ndodhej në vendngjarje për të ndjekur trazirat, është goditur nga një plumb qorr. Lajmi u raportua fillimisht në mediat britanike, por më pas u konfirmua dhe nga policia, e cila kishte hapur një hetim për këtë.
Disidentët republikanë të Irlandës së Veriut janë akuzuar se kanë provokuar vdekjen e gruas së re gjatë një revolte që shpërthue pas një kontrolli në lagjet Creggan dhe Derry. Manifestuesit kanë hedhur bomba polotov, në Land Roverin e policisë, thotë BBC.
Policia i quan një akt terrorist episodin, dhe kanë nisur hetimet për vrasje. Një gazetare në vendngjarje, Leona O’Neill ka shkruar se gruaja u godit dhe ra teksa ndodhej pranë një Land Roveri të policisë dhe është dërguar nga agjentët në spital, ku dhe ndërroi jetë. Sipas O’Neill revolta nisi pasi një unmër i madh agjentësh policorë kanë bërë kontrolle në lagje. Ky episod vjen në vigjilje të fundjavës së pashkës, ku republikanët e Irlandës së Veriut, përkujtojnë revoltën e Pashkës të viti 1916.