Parlamenti ka vijuar punimet me tensione teksa kreu i grupit parlamentar të LSI-së ka kërkuar fjalën, është përballur me socialistin Ulsi Manja. Ai vijoi me respektimin e rregullores.
“Ik ore se nuk po rroj me frikën tënde unë. Ik mos më çaj b…”, i tha Vasili- Manjës teksa i kërkoi Ruçit të mos e lejonte të reagonte.
Ndërkaq, ka ndërhyrë dhe kryetari i Kuvendit, Gramoz Ruçi, duke i kërkuar Ulsi Manjës të qetësohej.
Më pas Vasili kërkoi që ministrja Anila Denaj duhej ti përgjigje pyetjeve të opozitës, gjë që nuk ndodhi.
Ndërkaq më herët, Anila Denaj, ministrja e re e Financave dhe Ekonomisë vijoi fjalën e saj teksa opozita qëndronte para foltores, duke qenë kundër zhvillimit të seancës.
E gjatë fjalës dikush nga opozita i thotë Denajt që të mbyllë fjalimin, por minsitrja e re nuk ka përtuar ti përgjigjet. “Kjo është detyra ime”, tha Denaj.
Ndërkohë dhe kreu i Kuvendit, Gramoz Ruçi u kërkoi deputetëve të opozitës, që të respektonin një femër kur flet.