Policia e Shtetit ka bërë bilancin e protestës së zhvilluar një ditë më parë para Kuvendit të Shqipërisë, ku u regjistruan tensione dhe përplasje mes protestuesve dhe forcave të rendit.
Sipas njoftimit zyrtar, 19 persona janë arrestuar në flagrancë, ndërsa 12 të tjerë janë proceduar penalisht në gjendje të lirë. Ndërkohë, vijon puna për identifikimin e edhe 6 protestuesve të tjerë, të cilët janë dokumentuar me pamje filmike duke kryer veprime të dhunshme.
Policia bën me dije se gjatë tubimit disa protestues kundërshtuan dhe goditën me sende të forta punonjësit e Policisë, dëmtuan një automjet policie si dhe sulmuan deputetët e Kuvendit të Shqipërisë. Si pasojë e incidenteve, mbetën të dëmtuar 15 efektivë policie dhe një automjet i Policisë së Shtetit.
U bë arrestimi në flagrancë i shtetasve:
-B. K., 35 vjeç; A. E., 24 vjeç; G. P., 36 vjeç; D. B., 32 vjeç; K. P., 46 vjeç; R. D., 30 vjeç; A. Y., 40 vjeç; N. Q., 43 vjeç; Y. Sh., 52 vjeç; E. Gj., 39 vjeç; F. B., 56 vjeç; R. P., 35 vjeç; A. T., 34 vjeç; A. N., 35 vjeç; E. B., 45 vjeç; A. H., 35 vjeç; E. G., 23 vjeç, E. B., 20 vjeç.
Mes të arrestuarve është edhe shtetasi me iniciale A. Ll., 35 vjeç, i cili, sipas Policisë, ka goditur një gazetar gjatë protestës.
Ndërkohë, në gjendje të lirë janë proceduar penalisht 12 shtetas, ndërsa grupi hetimor vijon verifikimet për identifikimin e personave të tjerë që mund të kenë kryer veprime të kundërligjshme gjatë tubimit.
U proceduan penalisht në gjendje të lirë shtetasit: F. D., 63 vjeç; Sh. B., 33 vjeç; V. D., 29 vjeç; E. Gj., 38 vjeç; T. T., 43 vjeç; E. A., 31 vjeç; G. S., 20 vjeç; R. D., 30 vjeç; A. M., 39 vjeç; M. J., 47 vjeç, A. G., 47 vjeç dhe A. K., 22 vjeçe.
Materialet procedurale i janë referuar Prokurorisë së Tiranës për veprat penale “Shkatërrim prone”, “Kundërshtim i punonjësit të policisë”, “Goditje për shkak të detyrës”, “Prishje e rendit dhe e qetësisë publike”, “Organizim dhe pjesëmarrje në grumbullime dhe manifestime të paligjshme”, “Mosbindje ndaj urdhrit të ligjshëm të punonjësit të policisë” dhe “Pengim i qarkullimit të mjeteve të transportit”.