Tensionet në veri të Kosovës, dhe rikthimi i gjuhës së luftës nga ana e Serbisë sipas qeverisë së Kosovës, ka bërë që sot në Prishtinë të mbërrijë përfaqësuesi Special i SHBA-së për Ballkanin Perëndimor, Gabriel Escobar.
Gjatë ditës së sotme, Escobar do të takohet me presidenten e Kosovës, Vjosa Osmani. I dërguari amerikan në mbrëmje pritet të takohet edhe me përfaqësues të opozitës, të cilët i ka ftuar për darkë.
Bëhet e ditur se në mbështetje të dialogut nesër vendin do ta vizitojë edhe special i BE-së, Miroslav Lajçak.