Presidenti francez Emmanuel Macron tha të mërkurën se po dërgonte ministrin e tij të jashtëm në Liban këtë javë si pjesë e përpjekjeve për të parandaluar një luftë në shkallë të gjerë, duke i bërë thirrje Izraelit dhe Hezbollahut të ndalojnë menjëherë armiqësitë.
“Nuk mund të ketë, nuk duhet të ketë luftë në Liban,” tha ai në një fjalim në Asamblenë e Përgjithshme të OKB-së në Nju Jork.
Franca ka lidhje historike me Libanin dhe para shpërthimit të fundit kishte punuar me muaj në propozime për të zbutur tensionet midis dy palëve.
Parisi ka punuar me Shtetet e Bashkuara në Kombet e Bashkuara për një iniciativë për të ndaluar luftimet dhe për të hapur derën për më shumë diplomaci, thanë diplomatët.