Nga situata e tensionuar në veri të Kosovës, bën që misioni paqeruajtës i NATO-s të njoftojë se në ditët në vijim do të zhvillojë disa manovra të mëdha ushtarake pranë bazës së Novosellës.
Në këtë mënyrë, KFOR synon që të jetë në gatishmëri ndaj krizave të reja që mund të krijohen në veri të Kosovës. Në komunikatën për mediat KFOR bën me dije se në këtë stërvitje do të angazhohen dhe makineri të rënda si dhe helikopterë.
“Stërvitja synon t’i trajnojë njësitë e KFOR-it për të garantuar lirinë e lëvizjes në një situatë reagimi ndaj krizave dhe do të konsistojë në një seri simulimesh taktike dhe aktivitete logjistike duke përdorur kolona ushtarake me automjete të rënda inxhinierike dhe helikopterë”, thuhet në njoftim.
Ditët e fundit ky mision ka marrë një kërkesë nga Serbia për të lejuar dislokimin e deri 1.000 trupave ushtarake dhe policore serbe në Kosovë.