Ish-presidenti Alfred Moisiu ka komentuar zhvillimet në veri të Kosovës, ku ka adresuar disa këshilla për klasën politike. Ish-kreu i shtetit foli në emisionin “Now me Erla Mëhillin” edhe për nismën e Ballkanit të Hapur.
“Vuçiç me barrikadat në Veri po vepron si Putini. Siç vepron ai po bën dhe ky. Megjithatë, përpjekjet duhen bërë, sepse o do ndeshesh, o do gjesh gjuhën e të bësh kompromise. Rrugë tjetër nuk ka për të zgjidhur problemet me fqinjët. Ndaj, çdo përpjekje unë e quaj me vlerë. Dikush bie dakord e dikush jo, por çdo gjë do kohën e vet. Ballkani i Hapur u kritikua fillimisht nga BE dhe SHBA, ndërsa tani jo. Përpjekja për t’u marrë vesh me fqinjët është e mirë, por gjithmonë duhet të ketë sinqeritet”, tha Moisiu.