Një 75 vjeçar, që tentoi t’i jepte fund jetës duke u hedhur nga ura e lumit Buna, është shpëtuar.
Efektivët e policisë, gjatë patrullimit në territor, kanë vënë re të moshuarin. Ata kanë hyrë menjëherë në lumin Buna, dhe e kanë dërguar në spital për të marrë ndihmën e nevojshme mjekësore.
“Patrulla e Përgjithshme e Komisariatit të Policisë Shkodër gjatë patrullimit në territor, falë ndërhyrjes në kohë ka shpëtuar një shtetas i cili u hodh nga ura e lumit Buna për tu vetëmbytur. Punonjësit e Policisë kanë hyrë në lumin Buna dhe kanë nxjerrë shtetasin B. G, 75 vjeç, duke e dërguar në spitalin Rajonal Shkodër, për të marrë asistencën e nevojshme mjekësore.”, njofton policia.