Drejtuesi i një kamionçine, i cili po transportonte drejt Perëndimit 18 emigrantë të paligjshëm, kryesisht nga Siria, ka tentuar t’i shmangej ndjekjes së policisë në verilindje të Greqisë. Por, “arratisja” përfundoi duke u përplasur me një postbllok policie.
Nga përplasja e fortë, humbi jetën një emigrant, ndërsa u plagosën 17 të tjerë.
Të lënduarit u dërguan në një spital aty pranë për të marrë mjekim, ndërsa shoferi u arrestua.